QR code kiti hi Quick response code tina ahin hiche hi masang a chu alhangpi a website ho scan ibol a le gangchal a kihontheina ding a kimang ahi. Ahin tukhang a hin mi jousen sum le pai pehnan iha man tauvin ajeh chu hiche hi iman chah le thil ijakai gangji tina ahi. Thil ibol ijakai gangchal a bolthei ajeh chu tulai smartphone jouse a hi QR code scanner umsoh kei ahitai.

Hiche hi lhangpi a smartphone mang ho ding a thilphachom tah khat ahi. Ijakai scan bol a nomsel a manchah thei ahi, vetsahnan dukan a thil nachoh ding teng QR code mangcha a sum napeh thei, Advertisement ho a QR code namu chu scan nabol a le details tah ijakai website a nasim thei, restaurant a QR code kikoi chu na scan le menu ho abon a na phone a namu thei etc. etc. Hitia hi thilpha chom tampi a manchah thei ahi.

Ahin khantou dungjui in mihem chihna le hetna asan dungjui in hitabang thil ho mipi lhepnan amang cha pan tauvin ahi. Hitoh lhon a chu hiche ho a kon a ikiven thei nadiuva hiche articles hi hung kisun ahi. Eiho gamsung a jong hitabang kilhepna ahung umpan tan ichihthei uva abol ho jong matdoh a mipi hetsah ngai ahi.

• QR code a muntin a payment bol hi abeilam jeh le akitup jeh in imangcha soh kei un, hiche hi scan ibol uva payment ibol teng ule ibolna nu/pa kom a doh cheh ding amin hung pot chu dih hinam. Chule payment abol chai teng u le account a hunglut hinam jong doh ding ahi.
• Mi lhepna ding apps aumtan hiche hi mi QR code scan abol teng u le amin u hungpot a payment akibol tai kiti ji ahi, ahin atah a chu sum chu apeh nu/pa kom a lut ji lou ahi.
• Mipha lou abang chu dukan QR code kitahna a amaho code akitah uva min sum apeh u ama account a lutsah jing um ahi. Hiche jeh a chu mi sum ipeh teng ule amin dihnam doh ding chule sum lutna jong doh a pha ahi.

• Dukan bolho in jong ahi thei chan a soundbox man ngai ahi. Hiche soundbox hi Paytm, Google pay, Phonepe kiti hon ape uvin kikoi cheh a pha ahi. Hiche aphatchomna chu min sum nahin peh teng apet a sum hijat ahung lut e kiti ji ahi.
• Hiche soundbox phatchomna chu apet a sum kipe jat hung kisei ji ahin, eihon message inga jiu khu abang kom le tem a hung ji lou ahi. Ahin hiche sound a ahung kisei a ahi le alut tai tichu confirm ahi.
• QR code scan moh bol loulou ding ahi ajeh chu hiche QR code toh hin gamtin ki link thei ahi jeh in. Hacker hon naphone hack bolna ding a jong amanchah thei u ahi.

Hitabang a mihem kingol bolna le kilhepna tampi um jing ahin hiche ho chu ban neichan a hung kisun jing ding ahin, ana sim jing ute.