Online a thilchoh hi alhangpi a smartphone choi jousen ibolpan tauvin, India sung a hi online store alhangpi a asang aja um ahi. Ahin eihon iha man pen u chu Amazon, Myntra, Flipkart, Ajio, Mesho etc hohi ahi. Ajeh chu hiche hohi online genuine Company ngan ahi chule customer care jong akitup sel in aboina aum jong le mi akithopi jiu vin ahi. Achung a kisei bang hiche ho teilou gampam aum kol hohin online store tampi asem uvin social media ho advertisement abol un. Hiche store ho a thil nakichoh khah le atah ham ajou ham chu kihe ji lou ahitai.
Hiche jeh a chu chihthei angai in naloi napai in achoh khah a nahin recommend ahile vang naman chah thei ahi. Online store sem jong hi abei a bei ahitan, hichu kolho hin mi lhepnan aha manchah lheh uvin ahi. Chule online store tahsan um tahtah ho jong clone abol uvin mipi lhepna nasatah in amang cha uvin ahi. Vetsahnan amazon store toh kibang chat asem uvin asung a thil um ho manlhom chan avetsah uvin ahi. Example a iphone khat Rs. 50,000 val man chu ama hon Rs. 999 pou abol jiuvin ahi.
Hitabang kilhepna ho chu natahsan khah uva achohna ding a na contact details ho nathot khah ule phone nahin bol lei diu sum upi payment in hinbol in ahin te lei diu ahi. Hitbang ho a kon kiven na ding point gup ina sei diu ahi.
- Social media ho a alim pum a thil man lhom cha ahung kitah le tahsan lou hel ding chule link kikoi ho jong mehlou hel ding ahi.
- Online thil nachoh nom le na phone playstore a pat apps ahi mong mong chu ki install in review jong sim tei tei in.
- Amazon, Myntra, Flipkart min a thil manlhom cha ahung kijoh le tahsan lou ding ahi ajeh chu hiche site chu copy/clone kibol ahi tina ahi.
- Chule alhngpi a whatsapp, telegram, SMS kiti ho a jong offer hoi tah tah ahung kithot ji in link meh in hung kiti ji ahin, hitabang ho chu bollou hel ding ahi.
- Hitabang a clone site hon link ahinthot ho u hi imeh khah le phone/computer hack abol jeng thei u ahi.
- Online thil nachohna masat pen ahile, naloi napai abol ngai ho kidoh masat tei nathil chohna website hi atah hinam?
Hitabang kilhepna ho a hi mipi sum le pai tampi akigo mang um ahitan, eiho lah a jong akisei doh lou vang a mi tampi um ahitai. Hiche jeh a chu scam jat chom chom ho a kon kiven na ding hi nasatah awareness ibol jing ding u ahi.