About
About Us
Hiche website (https://igamhilouham.space) ahung kisem lo napen chu Igam sung uva Digital lam a awareness nasatah aum theina ding le gamsung khatouna ding a kisem ahi. Chule igam sung uva sum le pai holna hihen chule sumkol veina ja chat chomchom ibolnau va Website nei kiti apoimo dan ho jong mipi hetding in ahung kitah lang nom in ahi.
Hetthei khat chu gampam a business bolhon athilbol u mipi lah a tahlang nathei ding anei sohkei uvin. Hichu mipi hon jong adeichat angaichat u vettheina amang un aphatchompi lheh un ahi. Hitohlhon a chu eiho gamsung jong ani ni in khantou machal na in eiphah u tohlhon in business jat chom chom ibol pan tauvin. Ahin eiho business bol hi social media ho a khatvei post ibol u le aban idon ji tahih uvin chule mipi jousen jong amu pouvin ahe pouvin ahi.
Ahin website khat nei nahung hithei a ahile ipi business nabol ham chu na website a alhingset’a lim hihen thuchang chule video a nakoi teng. Na website link chu social media ho a na share a le min aning akah avet a lunglutna ahin nei diu ahi. Chule na link chu naloi napai na customer ho nathot a tun hiche aum e or kabol e tia thupeh na a jong naman thei ahi. Hitia nanbol teng na business nasatah a khangtou ding mi hetthei khat nahung hi ding ahi. Business lolhinna alampi hoipen chu advertisement ahi chujeh a company len len hon crore a sum asuh mang jiu ahi.
Hiche website hi koitabang in anei thei ham akiti teng khantum aumpon mi jousen anei thei ahi. Vetsahnan painter nahi a ahile website nanei a hiche a chu Pathen in talents napeh chu vannoi het a nakikoi thei ahi. School bolhon website a na school bolnau activities lim video ho nakikoi ule min aphatchomna ahetjoh ahi. Poster khat lampam a tah meimei sang a website a thu le lhingset a kikoi chu mipi ding a phachom jo ahi. Restaurant neihon jong ipi pi nehthei nasem u ham aman ijat ham amun nop dan ho natah lang uva le mipi thanop na kibe ding. Chule na location ho u jong google map a nakoi thei u ahi, min amun ahol nop na ding a. Chule online nehthei order boltheina jong nakikoi thei u ahi.
Website jouse hi computer le phone a vetthei na ding a kisem soh ahin, mobile apps install bolsang a nomjo ahi. Chule tulai mobile apps hi mi chim ahitan ahin website hi install kibol lou ahijeh a mipi vetding a jong nom ahi. Gampam a apps le website semna a min sum a lakh lakh a alah jiu ahi. Ahin eihon vang aman lhom nathei chan le eiho ipeh jou ding uva hung kisem ding ahi. Tukhang a hi manbei (free) a ima kimulou ahitan hitalhon a chu sum isuhmang in aphatchomna tei ding a imanchah diu ahi. Chule tukhang a hi alen aneo in smartphone anei ahitan mi jousen phone a avetthei ding tina ahi.
Akisei bang a Digital awareness hi inam sung uva poimo tah khat ahitan ahi. Ajehchu gampam a digital/technology adih loutah a mangcha a mipi sum le pai lahpeh tam ahitai. Hitabang hi igam sung uva jong amun mun in ahung umpan tan thule la hi ikihil to jing u angai in ahi. Adih a hitabang online a kingol bolna hi phone a akihabol in chule social media ho a akhohse dihsat in ahi. Hitabang ho a kon ikiven thei nadiu va articles jat chom chom hung kikoi jing ding ahi.